Rewşa xeternek a Huseyîn Aykol didome

Enqere – Rojnameger û nivîskar Huseyîn Aykol ku li beşa çavdêriya awarte tê tedawîkirin rewşa wî ya xeternek didome. Ji bo pêşî li enfeksiyona wî bê girtin tedawiya wî didome. 

Mamosteyê Çapemeniya Azad rojnameger û nivîskar Huseyîn Aykol di 14ê cotmehê de li mala xwe ya li Enqereyê, xwîn çibû ser mejiyê wî û rakiribûn Nexweşxaneya Perwerde û Lêkolînê ya Sîncanê. Li nexweşxaneyê jî careke din xwîn çûbû ser mejiyê wî û meheke ku li beşa çavdêriya awarte tê dermankirin. Huseyîn Aykol dema dihat dermankirin enfeksiyon girt û ji bo pêşî li enfeksiyonê bê girtin tedawiya wî berdewam dike. Huseyîn Aykol ku bi cihazê behn standinê tê dermankirin rewşa wî ya xeternek didome.

Serdanên nexweşxaneyê jî didomin.