Amed – Jinên ku beşdarî îmzekirina pirtûka “Çîrokên Jinên di Zindanê de” ku ji aliyê jinên girtî ve hatiye nivisandin bûn, gotin: “Em hêvî dikin ku hevalên me êdî azad bibin û em bi hev re pirtûkan îmze bikin.”
Di 15ê Mijdarê de jinan li Çand Amedê pirtûka jinên girtî ya bi navê “Çîroka Jinên di Zindanê de” îmze kirin. Jinên ku beşdarî îmzekirina pirtûkê bûn, li ser rewşa nivîskarên jin ên girtî û geşedanên dawî yên siyasî axivîn. Siyasetmedar Gulser Yilidim, nivîskar Mîne Acer, Enadam MED TUHAD-FEDê Remziye Tek û Hevseroka KURDÎGEHê Arîfe Aslan piştî îmzekirina pirtûkê axivîn. Jinên beşdar xwestin ku jinên nivîskar ne li zindanê li derve pirtûkan binivîsin.
Ji beşdaran Siyasetmedar Gûlser Yildirim têkildarê roja îmzeya pirtûkan da zanîn ku pênç hezar sal in bi çavê koletiyê li jinan tê mêzekirin û ev got: “Di dîroka pênç hezar salan de pêşî koletî bi pergala mêrê li ser jinê hatiye meşandin. Evana di têgihiştêne de mirov dikêşe van tiştan. Îro tevgera jinên Kurd bi heşmindiyeke gerdunî gihiştiye. Bûye parçeyeke tekoşina jinên cîhanî. Rojava jî pêşkeşiya vê dike. Roj bi roj dibe mînakeke mezin ji bo jinên cîhanê.”
Nivîskar Mîna Acerê jî destnîşana pirtukan nirxand û wiha bi lêv kir: “Wateya îmzekirina pirtûkê pir balkêş û pîroze. Em jî beşdar bûn. Pir kêyfxweşim ku jinên 30 sal in li girtîgehan berhemeke kollektif çêkirine. Li vê derê pirtûka jinên girtî îro tê destnîşan û em hêvî dikin rojek ev hevalên me jî bi me re tevlî destnîşanê bibin. Ew bi destê xwe pirtûkên xwe îmza bikin. Ev roj rojek pir pîroze û keda jinê tê nasîn.”
‘Hevalên me bi salane girtî ne’
Endama MED-TUHAD FEDê Remziye Tek jî bal kişand ser zextên li ser girtîgehan û wiha got: “Li zindanên Tirkiyeyê bila herkes baldar be. Tundiyeke herî xeter a li dijî mirovahiyê li ser hevalên me yên girtî heye. Hevalên me bi salan in girtî ne. Em vê şiddetê qebul nakin. Hevalên me li ruxmê ewqas astengiyan pirtûkek amade kirin. Ev tiştekî geleke pîroz e.”
‘Ev pirtûk kedeke hêja ye’
Hevseroka KURDÎGEHê Arîfe Aslan jî li ser pirtûka ku jinan bi awayekî kolektif li girtîgehan nivîsiye wiha axivî: “Di nav ewqas şertên giran de hevalên me çirok nivîsîne. Em jî bûn şahidê vê rojê. Tekoşîna zindana bi salane berdewam dike. Di şertên şertên nebaş de hevalên me têdikoşin. Di şertên giran de berhemeke hêja derxistin holê. Divê em li vê berhemê û keda wan xwedî derkevin. Bi salane hevalên me kedê didin û li berxwe didin. Serdemek nû û girîng bi banga Rêberê Gelê Kurd Abdullah Ocalan destpê kir. Hemû Kurd û netew çi destê wan were bila peyvira civaka aştî û demokratîk bînin cih.”
