Roja heftan a Mîhrîcana Fîlman a Amedê ya 3yemîn bi nîşandana 17 fîlmên cûr bi cûr bi dawî bû.
Mîhrîcana Fîlman a Amedê ya 3yemîn, bi mazûvaniya Şaredariya Bajarê Mezin a Amedê û bi organîzasyona Komeleya Akademiya Sînemayê ya Rojhilata Navîn û Sînebîrê ve bi dirûşma “Dinya bi çîrokan tê ba hev” tê lidarxistin. Di mîhrîcanê de kurtefîlm, fîlmên metrajdirêj û belgefîlm di nav de 17 fîlmên cûr bi cûr hatin nîşandan. Roja heftemîn a mîhrîcanê bi kargeha bi navê “Ji bo ku em çîrokên xwe bi zimanê xwe bibêjin: Sînemeya Jin” ku akademisyen Hulya Ûgûr Tanriover li dar xist dest pê kir.
Dûre ji saet 13.00an heta saet 20.00an li Eywana Sînemayê ya ÇandAmedê ya 1ê bi rêzê, fîlmê “Dema Pelên Guzan Zer Dibin” ku derhêneriya wî Mehmet Alî Konar kiriye, fîlmê “Bihar” ku derhêneriya wê Cemîle Şahîn kiriye, fîlmê “Tenê Qezayek bû” ku derhêneriya wî Cafer Panahî kiriye, “Şiwênpence” ku derhêneriya wî Zanyar Muhammedîneko kiriye, fîlmê “Sêgoşe” ku derhêneriya wî Jîno Hadî Hesen kiriye, fîlmê “Garan” ku derhêneriya wî Mahsûm Taşkin kiriye, fîlmê “Mîras” ku derhêneriya wê Baran Reihani kiriye hatin nîşandan. Fîlmê “Dengê Ketinê” ku derhêneriya wî Mascha Schilinski kiriye, ji ber pirsgirêkeke teknîkî nehate nîşandan.
Piştî nîşandana kurtefîlmên “Sêgoşe” , “Şiwênpence” , “Garan” û “Mîras” temaşevanan têkildarî naveroka fîlman pirs ji derhêner û lîstikvanan kirin. Derhêner û lîstikvanan pirsên temaşevanan bersivandin. Piştî pirs û bersivan plaket dan derhênerên her çar fîlman.
Li Eywana Sînemayê ya ÇandAmedê ya 2yan jî ji saet 14.00an heta 18.00an bi rêzê fîlmê fîlmê “Dansa Bêdeng” ku derhêneriya wê Aynûr Ozbakir kiriye, fîlmê “Sîtav” ku derhêneriya wê Dîlan Toftîk kiriye, fîlmê “Anîta” ku derhêneriya wî Behzad Nalbandî kiriye, fîlmê “Moriya Biçûk” ku derhêneriya wê Derya Ûygûrlar kiriye hatin nîşandan.
Li Eywana Sînemayê ya Ceylan AVMyê jî ji saet 14.00an heta saet 20.00an bi rêzê fîlmê “Ax û Per” ku derhêneriya wî Stefan Malesevic kiriye, fîlmê “Sonne” ku derhêneriya wê Kurdwîn Eyub kiriye, fîlmê “Bermûda” ku derhêneriya wî Erik Warolin kiriye, fîlmê “Ew ê dawiya min bibe heps” ku derhêneriya wî Alexandre Dostie kiriye, fîlmê “Porteqalek ji Yafayê” ku derhêneriya wî Mohammed Almughanni kiriye û fîlmê “Cîran” ku derhêneriya wî Mano Xelîl kiriye.
Her wiha saet di 15.00an de panela bi navê “Fanon 100 salî ye” hate lidaxistin. Panela ku moderatoriya wê Evrîm Kaya kir Hakan Karaş, Ezgî Dûman û Dîlawer Zeraq weke axivêr tev li bûn.
Mîhrîcan dê sibê bi dawî bibe
Mîhrîcan dê sibê saet di 11.00an de bi masterclassa bi navê “Di sînemayê de derhênerî” ku Kazim Oz dê biaxive dest pê bike.
Dûre saet di 13.00an de li Eywana Sînemayê ya ÇandAmedê ya 1ê dê fîlmê bi navê “Kuftepêjê ku Difire” ku derhêneriya wî Rezan Yeşîlbaş kiriye, saet di 15.30an de li heman eywanê fîlmê “Biser bikeve” ku dernêneriya wê Soleen Yusef kiriye dê bên nîşandan.
