Piştî dorpêçkirina Venezûelayê ya ji hêla DYAyê, Serokomarê Belarûsê Alexsandir Lukashenko diyar kir ku ger Maduro dest ji desthialtê berde dikare bê li Belarûsê bi cih bibe. Serokê berê yê Komîsyona Ewlehiya Neteweyî yê Îranê Falathatpîsheh jî bi bîr xist ku bi boneya ketina Beşa Esad nekarîne deynê xwe ji Sûriyê bigirin û xwest ku niha Îran deynê xwe ji Venezûelayê bigire.
Serokê DYAyê Donald Trump ku ev demek e Venezûelayê bi kirinên ‘terorîst’ tawanbar dike, duh bi fermanekê ketin û derketine keştiyên petrolê ji bo vî welatî qedexe kir û Hikûmeta Venezûelayê xiste lîsteya “rêxistinên terorîst ên biyanî”. Ev gavên Trump wekî amadekariyên mûdahalekirina Venezûelayê hate nirxandin. Serokomarê Belarûsê Alexsandir Lukashenko ku ji saziya çapemeniyê ya Amerîkayê Nesmaxê re axivî diyar kir ku ger Maduro dest ji desthilatê berde dikare bê welatê wî. Lukashenko anî ziman ku deriyên welatê wî ji Maduro re vekiriye wiha got: “Ez eleqeya DYAyê ya derbarê Venezûelayê de dibînim. Ez di gelek aliyan de Trump fam dikim. Ji ber ku Venezûela gelek nêzîk e, wekî Ûkrayna nêzîkî Rûsyayê. Ez bawer dikim ku DYA dikare hemû pirsgirêk û daxwazên xwe bi riyên aştiyane çareser bike.”
Falahatpishehê Îranî: Berî Maduro bikeve bila perê me bide
Bertekek balkêş jî ji Îranê hat. Serokê berê yê Komîsyona Ewlehiya Neteweyî yê Îranê Heshmatollah Falathatpîsheh bi bîrxist ku bi boneya ketina Beşar Esad deynek mezin ê Îranê vala çûye û wiha got: “Divê Îran nekeve heman rewşê. Niha 2 milyar dolar deynê Venezûelayê ji Îranê re heye. Pêwist e berî gengaşiyek derkeve Îran deynê xwe bigire.” Falathatpisheh di parvekirina xwe ya li ser Xê de bi bîr xist ku Trump fermanek teqez a dorpêçê daye û hikûmet wekî “rêxistina terorê ya biyanî” pênase kiriye. Falathatpisheh xwest ku ev rewş li ber çavan bê girtin û hewildanên pêwist bên kirin.
