Çeteyên girêdayî dewleta Tirk li taxa Hezwana a Minbicê gule li zarokekî 17 salî barandin û jiyana xwe ji dest da.
Sûcên qetilkirin, şelandin û talankirinê yên li bajarê Minbicê didomin. Çeteyên girêdayî dewleta Tirk li taxa Hezwana a naverasta bajarê Minbicê gule li Ehmed El Hesen (17) baran. Ehmed El Heasen ji ber gule li serê wî ket bi giranî birîndar bû û wî rakirin nexweşxaneyê. Tevî hemû hewldanan jî li nexweşxaneyê jiyana xwe ji dest da.
Şêniyên taxê diyar kirin ku dema zarok li pêş mala xwe bû, dewriyeyek çeteyên di wir re derbas dibû û yekser guleyan li zarok barandin.
