Hat ragihandin ku li paytexta Venezuelayê Caracasê dengê teqîn û balafirên şer tê. Ev demek bû Amerîka gefan li Venezuelayê dixwar.
Reutersê ragihand ku li Caracasê dengê teqîn û balafirên şer tê bihîstin. Reutersê diyar kir ku teqîn li nêzîkî baregeheke leşkerî ya mezin çêbûne. Piştî teqînan li herêmê ceryan qut bûye. Hat destnîşankirin ku li deverên ku teqîn lê çêbûne, dûman bilind dibe.
Dengê balafirên şer li herêmê tê bihîstin û hat îdiakirin ku êrişeke hewayî li dijî bendera Fort Tiuana hatiye kirin.
Hat ragihandin ku piştî êrişan, balafirên şer ên hêzên hewayî yên Venezuelayê rabûne.
Serokê Amerîkayê Donald Trump, ev demek bû ku gef li Venezuelayê dixwar û digot ku ew ê mudaxileyî wî welatî bike.
