Komên çete yên girêdayî Tirkiyeyê ku di nav artêşa Hikûmeta Demkî de cih digirin li dijî sivîlên taxên Kurdan ên li Helebê bi dronên bombebarkirî êriş dikin. Di encama êrişên heta niha pêk hatine de jî 3 welatî birîndar bûn.
Piştî çeteyên girêdayî Tirkiyêyê yên di nav artêşa Hikûmeta Demkî ya Sûriyê de şer li dijî taxên Şêxmeqsûd, Eşrefiye û Benî Zêd dan destpêkirin, êriş zêde dibin. Di êrişên li dijî welatiyan de dronên bi bombeyan hatine barkirin jî tên bikaranîn. Dronek ku hewl dide sivîlan hedef bigire ji hêla Hêzên Asayişê ve hate xistin. Bombeyên li dronê hatin barkirin jî hatin îmhakirin. Çavkaniyên ewlehiyê daxuyandin ku dron ji hêla Tirkiyeyê ve radestî çeteyan hatiye kirin.
3 welatî birîndar bûn
Di encam êrişên bi moşek, tanq û topan heta niha 3 welatî birîndar bûne. Welatiyên bi navê Mihemed Hemade (50), Cûdî Salih Seydo (23) û Ebduezîz Ednan Îbiş (26) ji bo tedawiyê rakirin nexweşxaneyê. Di encama êrşşên sê rojan heta niha 7 kesan jiyana xwe ji dest daye û 52 kes jî birîndar bûne.
Êriş û topbaranên komên çete yên Emşat, Hemzat, Sutlan Murad û Nûredîn Zenkî yên girêdayî Tirkiyeyê dewam dikin.
