Li Kolombiyayê di encama ketina balafirekê de hunermendê navdar ê Kolombiyayî Yeîson Jîmenez jî di nav de bi giştî 6 kesan jiyana xwe ji dest da.
Li herêma Boyaca ya Kolombiyayê balefirek biçûk ji ber sedemek hêj nayê zanîn ket xwarê. Li gorî daxuyaniya Saziya Hewavaniyê ya Sivîl a Kolombiyayê, balafira bi koda tescîlê N325FA, dema ku ber bi bajarê Medellînê ve difiriya, li herêma Duitamayê ket xwarê. Piştî bûyerê tîmên rizgarkirinê û lêkolînê sewqî cihê qezayê hatin kirin û lêpirsînek berfireh li ser sedema ketina balafirê hate destpêkirin. Rayedaran nasnameyên kesên ku di qezayê de jiyana xwe ji dest dane eşkere kirin. Hat ragihandin ku pîlot Hernando Torres û rêwiyên bi navê Juan Manuel Rodriguez, Oscar Marin, Jefferson Osorio û Weisman Mora ligel stranbêj Yeison Jimenez di qezayê de mirine. Hate ragihandin ku derbarê sedema ketina balefirê de lêpirsîn berdewam dike.
