Girtiyê siyasî Turgut Koyuncu ê piştî 31 salan hatiye berdan û bi dirûşma “Bijî berxwedana zindanan” hatiye pêşwazîkirin wiha got: “Berxwedana me didome”.
Turgut Koyuncu, li pêşiya Girtîgeha Hejmar 1 a Tîpa F a Buca ya Îzmîrê ji hêla nûnerên EGE TUHAY-DER’ê ve hate pêşwazîkirin. Şandeya Turgut Koyuncu pêşwazî kiriye, diruşma “Bijî bexwedana zindanan” berz kir. Turgut Koyuncu, li pêşiya girtîgehê axaftinek kir û got: “Tu tiştek ji berxwedanê xweştir nîn e. Li pey van dîwaran bi dehan hevalên me ji bo rûmeta xwe li ber xwe didin û dê li ber xwe bidin. Min silavên hemû hevalan ji re we anî. Têkoşîna we hêzê dide wan. Heta ku Rêbertî azad nebe, heta ku statuyeke Kurdistanê çênebe û heta ku demokrasî, xwişk û biratî neyê welat, em nikarin bibêjin ‘em azad in’. Ez niha xemgîn im, ji ber ku hevalên me di hundir de ne. Em ê li ber xwe bidin û teqez dê bi ser kevin. Dê berxwedana me bidome.”
