Refîk Sunkur ê ku piştî 31 salan ji girtîgeha Boluyê hat berdan, diyar kir ku gelê Kurd hê negihiştiye azadiya xwe û got: “Ji bo azadiya gelê xwe çi destê me were em ê bikin.”
Refîk Sunkur di sala 1995an de hatibû girtin piştî 31 salan li Girtîgeha Ewlehiya Bilind a Tîpa F a Boluyê hat berdan. Girtî pêşiya girtîgehê ji aliyê malbatên girtiyan û Komeleya Alîkarî û Piştevaniya bi Malbatên Girtî û Hikûmxwaran re ya Marmarayê (MATUHAYDER) û gelek kesan ve bi kulîlkan hat pêşwazîkirin.
‘Nîvê dilê me di girtîgehê de ye’
Refîk Sunkur piştî hat berdan axaftinek kurt çêkir. Refîk Sunkur diyar kir ku derketina wî nivço ye û wiha axivî: “Nîvê dilê me di girtîgehê de ye. Gelê me hê negihiştiye azadiya xwe. Serokatî hê di hundir de ye. Ji bona wê divê em li gorî wê bixebitin. Ji bo azadiya gelê xwe çi destê me were em ê bikin.”
