Heyeta Ciwanên Rojhilata Navîn ku ji welatên cuda hatin Enqereyê ji bo li Girava Îmraliyê bi Rêberê Gelê Kurd Abdullah Ocalan re hevdîtinê bikin serî li Wezareta Dadê dan.
Heyeta Ciwanên Rojhilata Navîn ku ji welatên wek Misrê, Lubnan, Fas, Tunus û Iraqê hatin Amedê û piştre hatin Enqereyê û serdanan DEM Partiyê kir. Heyeta ciwanên enteryonalîst li navenda giştî ya Partiya Wekhevî û Demokrasiyê ya Gelan (DEM Partî), bi meclîsa ciwanan re hevdîtin kir û piştî hevdîtinê ji bo li Girava Îmraliyê bi Rêberê Gelê Kurd Abdullah Ocalan re hevdîtinê bikin serî li Wezareta Dadê dan. Ciwanan li ber deriyê Wezareta Dadê daxuyanî da.
Li ser navê heyetê rojnamegerê Sûryan Caesar Mattî axivî.
Caesar Mattî diyar kir ku ew komeke ku di nav de aktivistên Jin, Ciwan û partiyên siyasî hene ne û azadiya gelên bindest diparêzin. êrişên li dijî Rêveberiya Xweser a Bakur û Rojhilatê Sûriyeyê şermeza kir û got ku gelên li wir ji aliyê Colanî ve bi komkujiyan re rû bi rû hatinê hiştin. Anî ziman ku di bingeha êrişan de projeya emperyalîstan heye û ev tişt gotin: “Êrîşên ku sivîlan hedef digirin, mafên wan ên jiyan, rûmet û ewlehiyê binpê dikin, û armanc dikin ku serdestiya rastgir li gorî projeya nû ya emperyalîzmê ji bo herêmê xurt bikin, wekî beşek ji hewldanên paqijkirina etnîkî û neteweyî berdewam dikin. Ev polîtîka bi taybetî jinên Kurd hedef digirin, ku hilgirên pêşengiya şoreşger in. Sîstema baviksalar hewl dide ku îradeya jinan bi zorê ji cih û warên wan derxîne, wan bêewleh bike û wan bixe nav çerxên tundûtûjî, xizanî û îstismara ducarî. Zilm û zordariya li ser gelan aliyekî din ê zordariya li ser jinan li herêmê ye; her du jî ji hêla avahiyek baviksalar, çînî û otorîter ve têne xurt kirin ku armanc dike ku li ser laş, raman, nasname û erdên me serdest be.”
‘Divê heval Abdullah bê berdan’
Caesar Mattî destnîşan kir ku dilgirtina Rêberê Gelê Kurd Abdullah binpêkirina peymanên navneteweyî ye û wiha dirêjî da axaftina xwe: “PKKê bi pêşengiya hevrê Abdullah Ocalan çareseriyeke bi dîaloge pêşxistiyê. Lê dewleta Tirkiyeyê berovajî vê, gav neavetinê û tecrîde kûr dike. Divê heval Abdullah bê berdan. ”
Daxwaz û bang
Caesar Mattî daxwazên xwe û banga xwe wiha anî ziman;
* Çareseriyeke demokratîk gaveke siyasî ya pêşverû ye ku erkê yasayî û exlaqî li ser dewleta Tirkiyeyê ferz dike ku hawîrdorek aştiyê biafirîne û mafên gelên Kurd û Tirk nas bike. Di nav van mafan de ya herî girîng azadkirina Heval Abdullah Öcalan e, ku şertek bingehîn ji bo her çareseriyeke siyasî ye.
* Em daxwaza berdana tavilê ya hemû hevalên ku ji ber piştgiriya doza Kurd hatine girtin dikin, bi taybetî Heval Abdullah Ocalan ku sembola têkoşîna gelê Kurd e.
* Em sûcên ku li parêzgeha Helebê li dijî gelê Kurd û Bakur-rojhilatê Sûriyeyê hatine kirin, bi awayekî kategorîk red dikin. Bikaranîna retorîka “çekberdanê” ji bo tepeserkirina berxwedanê di heman demê de dayîna azadiya bêdawî ji milîsên faşîst re ji bo kuştin û sirgûnkirinê, nikare rê li ber aştiya rastîn veke. Aştî bêyî wekheviya civakî û demokrasiyê nayê sazkirin; aramî bi şikandina îradeya gelê ku di nav kavilên gundên wêrankirî û korîdorên koçberiya bi darê zorê de li ber xwe dide, nayê bidestxistin.
* Em hevgirtina xwe ya tevahî bi gelê Kurd li Rojava û gelê Bakur-rojhilatê Sûriyeyê re dikin; Em mafê jiyana di aştî û ewlehiyê de, li ser bingeha edalet û rêzgirtina hevbeş, bê tundûtûjî, zilm û paqijkirinê diparêzin. Tiştê ku li Rojava diqewime binpêkirineke eşkere ya qanûnên navneteweyî û mirovî ye û gefê li ser aramiya herêmî û aştiya civakî çêdike. Ev pêvajo êşa gelekî ku ji bo azadî û nirxên hevpar ên mirovî bedelên giran daye, kûrtir dike. Em hemû aliyan ji van binpêkirinan ji hêla qanûnî û exlaqî ve bi tevahî berpirsiyar dibînin; em bang li civaka navneteweyî, rêxistinên mafên mirovan û Neteweyên Yekbûyî dikin ku tavilê tedbîran bigirin, binpêkirinan rawestînin, sivîlan biparêzin û hesab ji bo sûcdaran misoger bikin. Em tekez dikin ku aştiya mayînde bêyî rêzgirtina li peymanan ne mumkin e. Dema ku girtiyên siyasî hene; em daxwaza serbestberdana tavilê û bê şert û merc a heval Abdullah Ocalan, misogerkirina tevahî ya mafên wî yên qanûnî, û naskirina mafên zimanî, çandî, sivîl, siyasî, aborî û civakî yên gelê Kurd û gelên Bakur-rojhilatê Sûriyeyê dikin.”
