Li Wanê ji duh şev ve heta niha berf dibare. Ji ber barîna berfê ya zêde welatî bi zor û zehmetiyan re rû bi rû dimînin.
Barîna berfê li navenda Wanê û navçeyên wê hê jî berdewam dike. Barîna berfê ya zêde bi xwe re zor û zehmetiyan jî tîne. Kolan û cadeyên Wanê, wesayîtên li sûkê di bin berfê de mane. Dikandar dj serê sibehê ve bi derfetên xwe pêşiya dikanên xwe paqij dikin.
Barîna berfê ji aliyekî ve her çiqas jiyana rojane zehmet bike jî ji aliyê din ve ji bo hişkesaliyê ya van salên dawiyê dê bandoreke erênî bike. Welatî ji aliyekî ve ji ber ku berf zor û zehmetiyan bi xwe re tîne ji berfê nerazî ne, ji aliyê din ve jî ji bo berf dê li ser çandinî, çavkaniyên avê bandoreke erênî bike kêfxweş in.
Her wiha Şaredariya Wanê ku ji aliyê qeyim ve hatiye desteserkirin jî berfê ji ser cade û peyarêyan paqij nake û gel ji ber nebûna xizmeguzariyê bi gilî û gazin e.
