Ofîsa Koordînasyona Mafên Mirovîn a Neteweyên Yekbûyî (NY) der barê dorpêça li ser Kobanê de diyar kir ku tîma NYê bi rayedarên li Helebê re di nava dan û standinan de ye da ku riyên piştgiriya lezgîn ji bajêr peyda bike.
Çeteyên hikumeta demkî yên ku dewleta Tirk piştgiriya wan dike, piştî ku gundewarên başûrê Kobanê dagirkir kirine, nêzî hefteyeke dorpêçeke giran daniye ser bajarê Kobanê û tevahî riyên diçin bajar birîne. Ji ber vê dorpêçê av û elektrîka Kobanê hat birîn.
Ofîsa Koordînasyona Mafên Mirovan ya Neteweyên Yekbûyî (OCHA) der barê mijarê de daxuyaniyek weşand. Di daxuyaniya nivîskî de tê gotin ku ew bi hevkarên xwe yên li Kobanêne re dixebitin û fikarên wan ên zêde ji ber rewşa mirovî ya li heremê heye.
OCHA ya Neteweyên Yekbûyî diyar kir ku li Kobanê av û ceyran qut in, ev yek xizmetên bingehîn asteng dike û li gorî raporan xurek, derman û pêdiviyên din kêm in.
OCHAê da dide zanîn ku ekîba Neteweyên Yekbûyî ji bo dîtina rêbazên piştgiriya lezgîn bo Kobanê bi desthilata li Helebê re di nava dan û standinan de ye.
