Serokê YNKê Bafil Talabanî diyar kir ku ji bo pêkanîna pêvajoya hilbijartina serokomariyê bilez dixebitin û hedefa wan ew e ku di dema yasaya wê de pêk bînin.
Ofîsa Ragihandinê ya Serokê YNKê Bafil Celal Talabanî têkildarî civîna Talabanî û Balyozê Îngilîstanê yê Iraqê Îrfan Sidîq ku li bajarê Bexdayê civiyan, daxuyaniyek weşand. Di daxuyaniyê de hate diyarkirin ku her du aliyan di civînê de rewşa giştî ya Iraq û herêmê nîqaş kirin û teqezî li ser çareserkirina aştiyane ya hemû pirsgirêkan kirine.
Di daxuyaniyê de wiha hate gotin: “Partiya me hemû hewldanên xwe di çarçoveya pêkanîna hikûmeteke neteweyî ya xizmetgûzar de dike ku ji bo daxwazên welatiyan bibin bersiv. Em zanin ku ji bo temamkirina prosedurê û hilbijartina serokomar pêdivî bi lihevkirinê heye. Ji bo vê jî me ji bo mijarê şîrove bikin daxaz kir ku roja yekşema civînek li parlementoyê çêkin.”
Di daxuyaniyê de hate diyarkirin ku YNK dixwaze hilbijartin bi lez û di waxta xwe de çêbibe.
