Alîkariya ji hêla Platforma Parastin û Hevgirtina Bajêr a Amedê ve ji bo Kobaniyê hatibû şandin ev 4 roj in bi boneya astengiyên Tirkiyeyê li sînorê Pirsûsê hatinê dorpêçkirin. Platformê bertek nîşanî helwesta Tirkiyeyê da û diyar kir ku îhtîmala xirabûna xurekan derketiye holê.
Platforma Parastin û Hevgirtina Bajêr a Amedê ji bo Kobaniyê alîkariya mirovî berhev kir û 4 roj berê ber bi Kobaniyê ve derxist rê. Alîkariya ji 25 TIRan pêk tê li sînorê Pirsûs û Rihayê ji hêla leşker û polîsan ve hatin rawestandin. Di TIRan de ku kelûpelên pêdiviyên mirovîn, şîr û tiştên xwarinê heme hêj li heman cihî tên astengkirin. TIR ev 4 roj in li heman cihî ji aliyê leşker-polîsan ve hatine dorpeçêkirin. Dema xebatkarên çapemeniyê xwestin dîmenên TIRên alîkariyê bikişînin jî ji aliyê leşkeran ve hatin astengkirin.
Îhtîmala xirabûna xurekan heye
Endamên Platformê, rêxistin û parlamenterên DEM Partiyê yên Rihayê jî li cihê TIR hatine dorpêçkirin û sekinîne. Şandeya alîkariyê li bendê ye ku deriyê sînor bê vekirin. Rayedarên platformê bertek nîşanî sekinandina TIRan dan û diyar kirin ku îhtîmala xirabûna xurekan heye.
