Ligel ku zêdeyî salekê di ser hilbijartinan re derbas bûye jî Hikumeta Herêma Kurdistana Federal hêj nehatiye avakirin. Gelê Başûrê Kurdistanê bal dikişîne ser zirara avanekirina hikumetê dide gel û bêzarbûna xwe ya ji partiyên siyasî tîne.
Hilbijartinên Herêma Kurdistanê di 20ê Cotmeha 2024an de pêk hat. Ligel ku 16 meh di ser hilbijartinan re derbas bûye jî hêj hikumet nehatiye avakirin û Başûrê Kurdistanê bi awayek fîlî tê meşandin. Her çiqas di navbera PDK û YNKê de hevdîtin hebin jî heta niha hêj tu encam derneketine. Welatiyên Başûr ku ji Rojnewsê re axivî ji vê rewşê bêzar bûne û rexneyan li partiyên siyasî dikin. Têkildarî vê mijarê
Hiqûqnas Dana Dara rexne li hikûmet kir û diyar kir ku ji roja ewil heta niha saziyên hikûmetê bi rast û durist kar nekiriye û wiha got: “Vê jî bandorek mezin ya aboriya giştî kiriye. Rewşa bazirganî û welatiyan xirab bûye.”
Êşên gel nayên dîtin
Dana Dara destnîşan kir ku neavakirina hikûmetê tu eleqeya xwe bi êş û janên gel ve nîne û wiha domand: “Belkû girêdayî neparvekirina post û pile, berjewendiyên herdu partiyên desthilatê ne. Vê pirsgirêka navxwe bandor li ser rewşa Kurdan ya li Bexda û cîhanê jî kiriye. Partiyan rewş bi temamî nexweş kirine. Divê gel hişyar bin. Vê rewşê qebûl nekin.”
‘Ji ber berjewendiyan li hev nakin’
Rêveberê Federasyona Saziyên Navxwe Baban Cehfer da xuyakirin ku neavakirina hikûmetê ji bo welatiyan gava dawî ye ku baweriya gel bi hilbijartinê nayê anîne û got: “Salek zêdetire hilbijartin pêk hatiye, hê jî rûniştinek li Parlamentoyê pêk nehatiye. Li ser berjewendiyên xwe li hev nakin.” Baban Cehfer destnîşan kir ku lihevnehatina herdu partiyan rê li ber krîzên mezin vekirine û wiha pêde çû: “Ev krîz li nava hemû qadan belav bûye. Karta xizmetguzariyê hatiye belavkirin. Herdu partiyan krîz kûr kirine, li nava xwe jî nikarin li hev bikin.”
‘Çi bixwazin dikin’
Baban Cehfer anî ziman ku PDK û YNK ne ji ber berjewendiyên gelê herêmê li hev nake û ev tişt gotin: “Herdu partiyan herêmên xwe avakiriye, her çi bixwazin dikin. Ji ber nakokiyên wan hem li Bexda û hem jî li cîhanê bandor li rewşa siyasî ya Kurdan kiriye. Li gorî raporên navneteweyî Kurd li Bexda lewaz bûne û çavê wan li xêrê ye ku dibêjin mûçe ye. Li aliyê din xaka me dagirkiriye û vê rewşê hemû xizmet têk daye.
