Parêzgerê Hesekê Endazyar Nûredîn Îsa biryara erkdarkirina komîteyekê ji 3 bijîşkan ku li ser entegrasyona beşa tenduristiyê ya parêzgehê di sazûmaniya Wezareta Tenduristiyê de bixebite, da.
Parêzger Nûredîn Îsa gerînendetiyê Tenduristiyê ya Hesekê Dr. Xalid El Xalid wek serokê komîteyê, Dr. Memo Xelîl Mihemd û Dr. Meryem Ebdurehîm Ehemd weke endamên komîteyê yên pêkanîna vê erkê erkdar kirin.
Di biryarê de hat destnîşankirin ku erkê komîteyê ew e ku kar li ser cîbicîkirina rêbazên entegrasyona beşa tenduristiyê ya parêzgehê li gorî sazûmaniya Wezareta Tenduristiyê ya ku di yasa û rêziknameyên pêwendîdar ên hatiye diyarkirin de, bike.
Serokê hikûmeta demkî ya Sûriyeyê Ehmed Şara roja înê biryarnameya tayînkirina Endazyar Nûredîn Ehmed Îsa bo Parêzgarê parêzgeha Hesekê dabû.
