Parlamenterên DEM Partiyê Salîha Aydenîz, Ayten Kordu, Adalet Kaya, Cengîz Çiçek û Omer Faruk Hulaku ji bo parastina zaravayê Kirmanckî bi Tirkî û Kirmanckî pêşniyaznamê dan Serokê Meclîsê.
Parlamenterên Partiya Wekhevî û Demokrasiyê ya Gelan (DEM Partî) Salîha Aydenîz, Ayten Kordu, Adalet Kaya, Cengîz Çiçek û Omer Faruk Hulaku, ji bo parastina zaravayê Kirmançkî ya Kurdî ku ji aliyê Rêxistina Çand, Perwerde û Zanîstê ya Neteweyên Yekbûyî (UNESCO) weke zimanê di bin xetere de hatiyê binavkirin, were parastin pêşniyaznameyek dan Serokê Meclîsê. Parlamenteran pêşniyazname jî bi zaravayê Kirmanckî û zimanê Tirkî pêşkeşî Meclisê kir.
‘Saziyên heyî têrî parastinê nakin’
Di pêşniyaznameyê de hat destnîşankirin ku perwerdehiya bi zaravayê Kirmanckî bi derfetên kêm tê dayîn û tenê rojnameya Azadiya Welat, Ajansa Welat, servîsa Kirmanckî ya JINNEWSê û çend malper weşangeriyê dike. Her wiha hat gotin ku her çiqas li Zanîngeha Munzur û Çewligê bi zaravayê Kirmanckî beşek bi awayekî dersên hilbijartî hatibe vêkirin û TRT Kurdî weşana Kirmanckî bike jî ev têrê nakin.
‘Parastina mîrateyê berpirsyariya dewletê ye’
Di pêşniyaznameyê de hat diyar kirin ku parastina zaravayê Kirmanckî ku mîrateyeke çandî û dîrokî ye yek ji berpirsyariya dewletê ye û ji bo vê yekê wan ji pêşniyaznameyên lêkolînkirinê dane.
Parlamenteran di pêşniyaznameyan de xwestin ev xal werin lêkolînkirin:
*Bi daneyan tespîtkirina herêmên zaravayê Kirmanckî lê tê axaftin
*Tespîtkirina çima pêdiviya mamosteyên Kirmanckî nayê çareserkirin.
* Tespîtkirina astengiyên li pêşya mafê perwerdehiya zimanê dayikê.
*Ji bo di saziyên fermî de bikaranîna ziman bê teşwikkirin Tespîtkirina qanûnên heyî .”
Her wiha hat gotin ku di bin banê Meclisê de bi armanca “plana lêzgîn” avakirina komîsyoneke lêkolînî hewcedariyeke bingehîn e.
