Hevserokatiya MSDê û şandeya siyasî ya Swêdayê li ser peymana 29ê Çileyê, amadekirina rêyeke diyaloga Sûriyeyî-Sûriyeyî ya ji bo çareseriya siyasî nîqaş kirin.
Hevseroka Meclisa Sûriya Demokratîk (MSD) Leyla Qereman, Hevserokê Nivîsgeha Têkiliyan a MSDê Hesen Mihemed Elî û Hevseroka Nivîsgeha Ragihandinê ya MSDê Şêra Osê şandeya Swêdayî pêşwazî kir.
Li gorî malpera MSDê, di hevdîtinê de pêşdeçûnên siyasî yên siyasî yên li Sûriyeyê, rêbazên piştevaniya hewldanên tesbîtkirina aramiyê û xurtkirina çareseriya siyasî hatin nîqaşkirin.
Her du aliyan bal kişand ser girîngiya bicihanîna peymana 29ê Çileyê ya di navbera HSDê û hikûmeta demkî de ku gaveke bingehîn a rawestandina xwînrijandinê û paratina sivîlan e. Divê hêzên siyasî yên li Sûriyeyê rola xwe ya neteweyî di vê pêvajoyê de bilîzin û li ser nêzîkbûna nêrînan bixebitin ku rê li ber diyaloga Sûriyeyî-Sûriyeyî were vekirin.
Di berdewama hevdîtinê de her du aliyan li ser pêwîstiya vegera ewle û bi rûmet a koçber û penaberan li deverên xwe, bidawîkirina dorpêça li ser bajarê Kobanê axivîn.
Têkildarî mijarê jinê jî hat gotin ku rola jinê di xebata siyasî de roleke teware ye û divê mafên wê giştî di her destûreke bê ya Sûriyeyê de werin misogerkirin.
Her du aliyan got her rêveçûneke destûrî ya serkeftî divê mafên tevahî pêkhateyên Sûriyeyê bihewîne û rêgeza hemwelatîbûna wekhev biparêze, pirrengiya neteweyî, olî û çandî nîşan bide.
Hevseroka MSDê Leyla Qereman bal kişand ser girîngiya rêveçûna pêvajoya veguhêz li Sûriyeyê û pêwîstiya damezrandina pergala siyasî ya li ser bingeha nenavendî, pirrengî û demokrasiyê.
