Şaxa ÎHDê ya Wanê di çarçoveya 21ê Sibatê Roja Zimanê Dayikê ya Cîhanî de bernameya şeva helbestan li dar xist.
Komeleya Mafên Mirovan (ÎHD) a Wanê di çarçoveya 21ê Sibatê Roja Zimanê Dayikê ya Cîhanî li eywana Şanowanê bernameya şeva helbestan li dar xist. Tevî siyasetmedar û endamên saziyên sivîl, gelek welatî tev li bernameyê bûn. Kesên ku xwestin helbestan bixwînin navê xwe dan nivîsandin û dor bi dor derketin ser dikê û helbestên xwe xwendin.
Ewilî Hevserokê Şaxa ÎHDê yê Wanê Mehmet Salîh Coşkûn helbesta Berken Bereh ya bi navê “Min Dîroka Xwe Divê” xwend. Dû re gelek kes derktin helbestên xwe gotin. Wêjekar Elîf Gemîcîoglû Yavîç jî helbesteke ku ji bo xwendekara Zanîngeha Yuzuncu Yilê ya Wanê Rojîn Kabaîş nivîsandibû xwend.
