Rojnamevan Ahmet Kanbal bi hinceta nivîsa têkildarî qeyûman nivîsandibû derbarê wî de lêpirsîn hatibû destpêkirin. Dozgeriyê di lêpirsînê de biryara neşopandinê da.
Derbarê nûçegihanê Ajansa Mezopotamyayê (MA) Ahmet Kanbal de ji ber nivîsa wî ya têkildarî qeyûman lêpirsîn hatibû destpêkirin û di lêpirsînê de biryara neşopandinê hat dayîn. Rojnameger Kanbal, têkildarî danîna qeyûm a li ser Şaredariya Colemêrgê bi sernavê “Têkildarî siyaset, hedef û rêbaza têkoşîna danîna qeyûman çendek tespît û pêşniyarên kin” nivîsek nivîsandibû. Serdozgeriya Komarê ya Mêrdînê jî bi îdiaya “propagandaya rêxistinê” lêpirsîn der barê Kanbal de dabû destpêkirin û di lêpirsînê de biryara “hewcehî bi şopandinê nîn e” da.
Piştî biryarê, vê carê jî ji ber gotina “Hedefa wan ew e ku li bajarên Kurdistanê şaredaran deynin”, bi îdiaya “agahiyên xelet belav dike” lêpirsîn hat destpêkirin. Dozgeriyê ji bo vê lêpirsînê jî bi sedema “hêmayên sûc çênebûne” biryara neşopandinê da.
