Rêveberiya Rêxistina Mafê Mirovan a Îranê ragihand ku Rejîma Îranê di nava 3 mehên borî de 230 welatî li Rojhilatê Kurdistan û Îranê darvekirin.
Rêveberê Rêxistina Mafê Mirovan a Îranê Mehmûd Emîrî Muqedem ku navenda wê li Norveçê ye, li ser bîlançoya darvekirinê li Rojhilatê Kurdistan û Îranê raporek belav kir. Di raporê de hate diyarkirin ku di nava sê mehên destpêkê yên îsal de li Rojhilatê Kurdistan û Îranê, 8 kes jê jin 230 kes hatine darvekirin. Mehmûd Emîrî destnîşan kir ku hejmara darvekirinên van sê mehên borî li gorî heman mehên sala borî du qat zêdebûye û got: “Îran ji bo darvekirina girtiyên siyasî sûd ji aloziyên di navbera welat û Emerîkayê de werdigire. Hêjayî gotinêye ku sala borî 975 kes li Rojhilatê Kurdistan û Îranê, ji aliyê rejîma Îranê ve hatibûn darvekirin.
