Hikûmeta Demkî ya Şamê di çarçoveya hevdîtinên li gel Rêveberiya Xweser de bi rê ve diçin de yekem car pêşnûmayek nivîskî ji bo mûzakereyan radestî Rêveberiya Xweser a Bakur û Rojhilatê Sûriyê kir.
Hevdîtinên di navbera Hikûmeta Demkî ya Şamê û Rêveberiya Xweser a Bakur û Rojhilatê Sûriyeyê de berdewam dikin. Li gorî agahiyên Nûmedyayê ji çavkaniyên Rêveberiya Xweser wergirtin e, hefteya borî pêşketinek girîng çêbû. Yekem car hikûmeta Şamê têkildarî Peymana 10ê Adarê pêşnûmayek pêşkêşî Rêveberiya Xweser kir. Li gorî nûçeyê rayedarên Rêveberiya Xweser ev gav ji bo destpêkê wekî pêşketinek erênî nirxandine û ev agahî dane: “Bes pêşnûma li gorî hişmendiya dewleta yekperest hatiye nivîsandin. Pêşnûma bi giranî li gorî entegrasyona leşkerî teşe girtiye. Ev nêzîkatiyek gelek xeter e. Di pêşnûmayê de sernavên Peymana 10ê Adarê tunin. Di Peymana 10ê Adarê de sernavên pergala îdarî, aborî, tenduristî, perwerdehî, vegera pênaberan, qanûna bingehîn û reformên siyasî jî hene. Lê di pêşnûnameyê de li ser van nehatiye rawestîn.”
Her wiha di nûçeyê de hate diyarkirin ku DYA, Fransa û Ingilîstan jî wekî çavdêran di pêvajoya mûzakereyan de cih digirin.
