Şaxên ÎHDê yên Stenbol û Enqereyê derbarê 111emîn salvegera Qirkirina Ermeniyan de daxuyanî da û hate diyarkirin ku înkar heyî qirkirinê domdar dike, înkar faîlan diparêze û înkar qurbaniyan jî “sûcdar” dike.
Di sala 24ê Nîsana 1915an de li dijî gelê Ermen ji aliyê Osmaniyan ve qirkirin pêk hat. Îro wek destpêka salvegera komkujiyê ye. Şaxên Komaleya Mafên Mirovan (ÎHD) a Stenbolê û Enqereyê bi boneya 111emîn salvegera Qirkirina Ermenan li avahiyên xwe daxuyanî dan.
Daxuyaniya ÎHDa Stenbolê li eywana civînê ya komeleyê pêk hat û endam û rêveberên ÎHDê tev li daxuyaniyê bûn. Daxuyanî ji aliyê endama ÎHDê Meral Çildir ve hate xwendin.
‘Înkarê bi dawî bikin û sûcên xwe qebûl bikin’
Meral Çildir diyar kir ku ji bo Qirkirina Ermeniyan tê înkarkirin ev sûc li ser înkarê berdewam dike û wiha axivî: “Sûcên ku nayê cezakirin her gav tê pêkanîn. Înkar qirkirinê domdar dike, înkar faîlan diparêze. Înkar qurbaniyan jî ‘sûcdar’ dike. Piştî qirkirinê xwîn û hêsirê çavan li vê erdnigariyê nesekinîn. Em her 24ê Nîsanê heman daxwaze tînin ziman ‘înkara qirkirinê, berdewamiya qirkirinê ye’. Înkarê bi dawî bikin û sûcên xwe qebûl bikin. Ji bilî vê her tişt naleta vê qirkirinê li ser vê erdnigariyê raneke.”
Endamê Desteya Rêveberiya Navendî ya DEM Partiyê Mûrad Mihçi jî diyar kir ku goristanên dema komkujiyê tune ne. Murad Mihçi anî ziman ku îro pêvajoyeke tê axaftin, axaftina pêvajoyê jî bi fêmkirina komkujiya sala 1915an mimkun e.
ENQERE
Şaxa ÎHDa Enqereyê jî bi heman armancê li avahiya xwe ya daxuyanî da. Endamenên komaleyê beşdarî daxuyaniyê bûn. Di daxuyaniyê de pankarta “Sûcên ku hatin kirin neyên cezakirin tên dubare kirin; nas bike, lêborîn bixwaze, bi cîh binê” dinivîsî hat daliqandin. Daxuayanî ji aliyê Hevserokê ÎHDa Enqereyê Omer Faruk Yazmaci ve hat xwendin.
Omer Faruk Yazmaci bi lêv kir ku înkarkirina komkujiyê berdewama sûce hatiye kirinê ye û xwest bi komkujiyê re hevrûbûnek pêk were. Omer Faruk Yazmaci anî ziman ku binpêkirinên mafên mirovî pêk tên berdewama mîreteya komkujiyên rejîma komarê ye û wiha got: “Li dijî welatiyên Xirîstiyan komkujiyên mezin pêk hatin û ji ber ku bi van komkujiyan re rûbirûnek pêk nehat ew komkujî berdewam kirin. Ji bo wê divê bi vê komkujiyê re hevrûbûnek pêk were û lêborîn bê xwestin.”
