Artêşa Parastina Îsraîlê êrişî avahiyek kir û di encamê de zêdeyî 50 kesan jiyana xwe ji dest da. Îsraîlê angaşt ku wan civîna hêzên Hizbûllahê bombebaran kiriye.
Êrişên Îsraîlê yên di nav axa Libnanê de berdewam dikin. Artêşa Parastina Îsraîlê (ÎDF) daxuyand ku êrişî avahiyek hêzên Hizbûllahê kiriye. Di daxuyaniyê de hate ragihandin ku di encama êrişê de avahî bi tevahî hatiye tunekirin û zêdeyî 50 endamên Hizbûllahê yên civîn pêk dianîn hatine kuştin. Her wiha ÎDFê angaşt ku gelek fermandarên Hizbûllahê jî di nav kesên hatine kuştin de ne.
Lê nehat zanîn ka kesên di êrişê de jiyana xwe ji dest dane çiqas endamên Hizbûllahê û çiqas sivîl in.
