Muxabirê ajansê ma Nedîm Oruç demo ke çalakîyê ciwanan taqîb kerdêne, hetê polîsan ra bi kutişê ame destbendkerdene.
Polîsan qezaya Cizîrî ya Şirnexî de muxabirê Ajansê Welatî bi kutişî destbend kerd. Taxa Nûr a Cizîrî ciwanan bi munasebetê hêrîşanê vera Vakur û Rojhelatê Sûrîye şermezar bikerê, çalakî organîze kerd. Ciwanan çalakî de sloganê, “Bijî berxwedana Rojava” vat û fîşekê hewayî teqnayê. Dimayê çalakîya ciwanan, polîsan hêrişê çalakîkeran kerd. Demo ke muxabirê ma Nedîm Orûç xebere taqîb kerdêne, polîsan ey bi kutişî destbend kerd. Polîsan Nedîm Orûç kerd ereba û ey berd qereqol. Çalakîyê ciwanan zî kuçeyan de dewam kenê.
