Rêxistinên DEM Partî û DBPê yên Amedê û navçeyên wê ji bo beşdariya mitînga 8ê Sibatê li navçeyên Peyas û Çinarê bang li dikandaran û xelkê kirin.
DEM Partî û Partiya Herêmên Demokratîk (DBP) roja 8ê Sibatê li Qada Îstasyonê ya Amedê mitînga bi dirûşma “Aştiya Civakî û Azadî” mitîngekê li dar dixin. Amadekariyên mitîngê ji navenda bajêr heta gundan berdewam dike. Parlamenter, rêveber û hevşaredarên DEM Partiyê û rêveberên DBPê li navçeyên navendî û navçeyên derveyî bajêr ji bo beşdariya mitîngê xebatek bi lez û bez û bênavber didomînin.
Parlamenter, hevşaredar û rêveberan îro li navçeya Peyasê û Çinarê yên Amedê ji bo beşdariya mitîngê serdana gel û dikandaran kirin û wan vexwendin mitîngê. Belavokên têde banga beşdariya mitîngê dike li dikandaran û welatiyan hatin belavkirin.
Parlamenterê DEM Partiyê yê Şirnexê Zekî Îrmez û şandeya pê re li navçeya Peyasê serdana dikandar, bazar û gel kirin û xelkê vexwendin mitîngê.
Parlamenterê DEM Partiyê yê Amedê Serhat Eren û şandeya pê re jî li navçeya Çinarê serdana dikandaran û xelkê kirin û wan vexwendin mitîngê.
