Bi pêşengiya Platforma Ked û Demokrasiyê yên Êlihê têkildarî kuştanên dawî yên li dibistanan diqewimin meşiyan û piştî meşê daxuyanî dan.
Bi pêşengiya Platforma Ked û Demokrasiyê yên Êlihê têkildarî kuştanên dawî yên ku dibistanan pêk tên li pêşiya avahiya AVMa BATMAN PARKê heta parka Yilmaz Guney meşiyan û piştî meşe jî daxuyanî dan çapemeneyê. Rêveber û endamên DEM Partî û DBPê yên Êlihê, hevşaredarên Êlihê Gulistan Sonuk û Yeşîl Işik, û gelek endamên saziyên civaka sivîl û gelek kes tev li çalakiyê bûn. Kesên ku tev li çalakiyê bûn bênavber dirûşmeyên “Yûsûf Tekîn îstîfa”, “Bêdeng nemîne, dê dor bê ser te jî” û “Êrişên dibistanan polîtîk in” hatin berzkirin. Girseyê pankarta “Li dijî tundiyê em nobeda mafê jiyanê digirin” û dowîzên ku li ser wan “Yûsûf Tekîn îstîfa”, “Rûmeta mamosteyê xwe biparêze”, “Ne ji cemaatan û terîqatan re ji perwerdehiyê re budçe” hatibûn nivîsandin hilgirtin.
‘Hemû tundî bi zanebûn tên kirin’
Metna daxuyaniyê jî ji aliyê Hevserokê Şaxa Egiîtîm Sena Êlihê Ramazan Bîlmez ve hate xwendin. Ramazan Bîlmez diyar kir ku êrişên ku di demên dawî de li dibistanan pêk tên, bi awayekî zanebûn tên kirin û wiha axivî: “Em sersaxiyê ji malbat û hezkiriyên xwendekar û xebatkarên perwerdehiyê yên ku di van êrîşan de jiyana xwe ji dest dane re dixwazin. Ji birîndaran re jî dibêjin derbasî be. Hêrsa me pir mezin e û xemgîniya me jî hevpar e. Saziyên perwerdehiyê ne tenê cihên ku zanîn lê tê parvekirin e. Di heman demê de cihên giştî yên ku civakek demokratîk, wekhevî û aştî lê tê avakirine. Dibistan cihên ku nasname, ziman, çandên cûda û fêrî jiyaneke wekhev û azad dikine. Her êrîşên ku li dijî cihên weke dibistana pêk tên gefên rasterast ên li ser aştiya civakî ne. Tundiyên ku îro li dibistanan pêk tên hemû jî bi zanebûn tên kirin û haya pergalê jê heye. Di heman de jî encameke rasterast a krîza aborî, civakî û siyasî ya kûr e. Bêkarbûna zêde fikara ciwanan li ser pêşerojê zêde dike. Ev yek zarokan û ciwanan ber bi tiryakê ve dibe û wan arasteyî rêyên xerab dike. Li şûna ku civakek demokratîk bê avakirin, ciwan arasteyê rêyên xerab û çetewariyê têne kirin. Firotana çekan gihîştiye asteke herî tirsnak. Van pratîkan qelskirina mekanîzmayên demokratîk û xerapkirina çanda aştiyê ye.”
Çalaki piştî çalakiya rûniştinê bi dawî bû.
