Nivîskar û mamosteyê zimanê Kurdî Mevlut Aykoç, Îzzet û Şukriye Çinar ên bi hinceta pirtûka perwerdehiya Kurdî Hînker hatibûn binçavkirin, hatin b erdan.
Serdozgeriya Komarê ya Stenbolê li ser pirtûka hînkirina Kurdî, “Hînker” lêpirsîn dabû destpêkirin. Nivîskar û mamosteyê Kurdî Mevlut Aykoç ku yek ji amadekarê “Hînker” bû û Îzzet û Şukriye Çinar ên hevjînên hev di çarçoveya lêpirsînê de pêr hatibûn binçavkirin. Mevlut Aykoç, Îzzet û Şurkiye Çinar ji Midûriyeta Polîsan a Stenbolê sewqî Dadgeha Çaglayana Stenbolê kirin. Dozgeriyê bêyî îfadeyên wan bigire, bi şertê kontrola edlî sewqî Dadgeriya Cezayê Sulhê kir.
Dadgeriyê îfadeya her sê kesan girt û ew bi şertê kontrola edlî berdan.
Nivîskar û zimanzan Samî Tan û Ronayî Onen jî di çarçoveya heman lêpirsînê de hatibûn binçavkirin û ew duh hatibûn berdan.
