Parêzerê Hevşaredar Abdullah Zeydan, Mehmet Emîn Aktar piştî dozê axivî û got: “Biryar ne ji bo cezakirina sûcekî ye. Biryar amadekariya zemîna qeyûm. Biryarek polîtîk e.”
Danişîna 8emîn a doza Hevşaredarê Bajarê Mezin ê Wanê Abdullah Zeydan li 5emîn Dadgeha Cezayên Giran a Amedê hat lidaxistin. Dadgehê, bi îdiaya “Bi zanebûn û bi dilxwazî alîkarî daye rêxistinê” 3 sal û 9 meh cezayê hepsê li Abdullah Zeydan birî.
Parêzerê Abdullah Zeydan, Mehmet Emîn Aktar piştî biryarê li pêşiya Edliyeya Amedê daxuyanî da û wiha axivî: “Pirr balkêş e ku dadgehê piştî me vekaletname pêşkeşî dosyeyê kir nivîsek nivîsand û xwest tevdîrên ewlehiyê bên girtin. Ev yek nîşan dide ka dê biryareke çawa bidin. Ji dozgeriyê re nivîs nivîsand û jê xwest tevdîrên ewlehiyê bên girtin. Ev yek nîşan dide ku biryara xwe ji berê ve dane. Li parastina me guhdarî nekirin û bi vê yekê re mafên darizandina adilane û parastinê binpê dikin. Ev yek bêalî û serbixwebûna dadger binpê dike. Bêyî ku destûrê bidin îtîraza li dijî mafê redkirinê; biryare ji berê ve dane û bêyî navber were dayin hate eşkerekirin. Dadgehê bi vê helwesta xwe îdiaya min berê bi raya giştî re parve kiribû jî piştrast kir. Ev ne cezakirina sûcekî, biryara cezakirina seknekî polîtîk e. Hêvîdarim ev biryar encamên li dijî îradeya gel bi xwe re neyîne.”
‘Bingeha qeyûm amade dikin’
Mehmet Emîn Aktar destnîşan kir ku dê li dijî biryarê serî li dadgeha bilind bidin û got: “Îhtîmaleke mezin dê careke din were betalkirin. Di biryara betalkirinê ya Dadgeha Bilind a dawî de hatibû xwestin ku were lêkolînkirin. Di lêkolînê de derket holê ku sûc tune ye. Heke Abdullah Zeydan hevşaredar nebûya dê dadgehê biryara beraetê dabûya. Ji bo tayînkirina qeyûm, biryareke siyasî hate dayin û tu ravekirina wê ya hiqûqî nîn e. Bi temamî biryareke siyasî ye. Wisa xuya dike ku encameke ji bo tayînkirina qeyûm e. Hêvîdar im biencam nebe. Ev biryar bi temamî polîtîk e.”
