Heyeta DEM Partiyê ya Îmraliyê diyar kir ku roja Sêşemê li Îmraliyê bi Rêberê Gelê Kurd Abdullah Ocalan re hevdîtin pêk anîne. Di daxuyaniyê de hate destnîşankirin ku Ocalan bal kişandiye ser derdorên dijberiya pêvajoyê dikin û xwestiye ku ji bo pirsgirêka Kurd di çarçoveya hiqûqî de bê çareserkirin û hemû derdorên demokratîk berpirsyarî bigirin.
Heyeta DEM Partiyê ya Îmraliyê têkildarî hevdîtina bi Rêberê Gelê Kurd Abdullah Ocalan re daxuyaniyek nivîskî weşand. Di daxuyaniyê de hate destnîşankirin ku hevdîtina di 2yê Kanûnê pêk hatî de 4 seatan berdewam kiriye. Di daxuyaniyê de hate destnîşankirin ku Ocalan encamên erênî yên hevdîtina bi Komîsyona TBMMyê re pêk hatî nirxandin e. Di daxuyaniyê de hate derbirîn ku Ocalan bal kişandiye hewldan û gotinên demên dawî li dijî pêvajoyê pêş dikevin û ev wekî sabotajê nirxandiye.
Di daxuyaniyê de ev tişt hatin gotin: “Ev rewşeke wekî mekanîzmaya darbeyê di tevahiya pêvajoyan de derdikeve holê ye. Ev ne xebateke qlasîk a darbeyê ye. Mîna hemleyeke li dijî hewildanên pêvajoyê pêş bixin, derdikeve holê. Divê wekî hewildanên avakirina rewşeke xeternak û talûke bên famkirin. Di roja me de ev derdor berdewamiya hêzên devreyî normê yên dewletê ne. Li aliyê din li hemberî kevneşopiya mîna terzeke çand, siyaset, rêxistinbûna nepenî û aşkere ya wekî şêwazeke darbeyê dixebite ku sed sala dawî ya Tirkiyeyê teşe kiriye, îradeyeke siyasî û civakî jî derketiye holê û ev îrade bi hêz dibe.”
Di daxuyaniyê de hate diyarkirin ku Abdullah Ocalan bal kişandiye ser pêşketinên pêvajoyê û ev nirxandin kirine: “Mûdaxileyên derveyî demokrasiyê û şideta siyasî dê bi derxistina qanûneke aştiyê ya li ser bingeha hiqûqa piralî hatiye derxistin ji rojeva Tirkiyeyê derkeve. Di vî alî de daxuyaniya me ya 27ê Sibatê bernameyeke rê nîşan dide ye. Tevahiya gavên bi vê armancê hatine avêtin, berpirsyariya me girtiye ser milê xwe nîşaneya armanca me ya jiyana hevpar e. Li Tirkiyeyê hemû derdorên siyasî û civakî yên dixwazin şansê rêvebirin û îktidarê rast bikar bînin divê bi helwesteke durist nêzikî pirsgirêkên siyasî bibin û bibin nîvekarê çareseriya demokratîk. Ev pêvajo tê wateya ku Kurd bi rêya hiqûqê tev li komarê bibin û bi beşdariya herî berfireh a civakî komareke demokratîk bê avakirinê. Ez dixwazim bêjim ku em xwediyê îrade û biryareke xurt a pêşxistina pêvajoyê ne.”
