Kesên xwe wekî polis dan nasîn, gef li li xebatkarê Rojnameya Yenî Yaşamê Baran Tînk xwarin û sîxurtî lê ferz kirin.
Xebatkarê Rojnameya Yenî Yaşamê Baran Tînk, saet di 11:00’an de gava li Bornovaya Îzmîrê rojname belav dikirin, ji aliyê du kesên ku xwe wekî polîsan dan nasîn ve hate rawestandin û gef lê hat xwarin. Tînk diyar kir ku berî ku were rawestandin, polîsan gazî wî kiriye û pirsa cihê wî kirine û dû re kesên ku ew rawestandine gotine, “Em dizanin tu li ku yî û tu çi dikî. Divê tu bi me re biaxivî. Dosyeyên me yên nû li ser te hene. Me xwest em pêşî bi te re biaxivin, lê heke tu qebûl nekî, em ê van dosyeyan bînin ber te.” Tînk bi lêv kir ku polîsan sîxurtî lê ferz kirine.
Tînk diyar kir ku berê dema ku rojname belav dikir, polîsan ew tacîz kiribû. Tink der barê bûyerê de serî li Komeleya Mafên Mirovan (ÎHD) da û giliyê polîsan kir.
