* Endama Şandeya DEM Partiyê Guncan Kaçmaz ku serdana partiyên YNK û PDKê kir, çavdêriyên xwe yên li ser serdanan parve kir. Gulcan Kaçmaz, anî ziman ku aktorên ku bi wan re hevdîtin kirin, diyar kirin ku pêwiste kêşeya kurd li ser zemînekî demokratîk were çareserîkirin û gotin: “Çi ji destê me bê, em ê bikin. Aktorên li Başûr anîn ziman ku mîsyona Birêz Ocalan pir girîng e.”
Rêberê PKKê Abdullah Ocalan bi qasî li ser meseleyên siyasî radiweste, li ser meseleyên xweza û ekolojiyê jî radiweste. Sedema têkçûna hevsengiya xwezayê û rûdana karesatan bi sîstema sermayedar ya xwe dispêre qezenca zêde ve girê dide. Di gelek beşan de hişyariyên cidî dike û dibêje, eger civak li ekolojiya civakî venegere û desthilatdar dest ji qezenca zêde bernede wê rûberûyê karesatên mezin werin.”
* Hevşaredara Mexmûrê Fatma Bîlen, têkildarî polîtîkayên qeyûm û desteserkirina şaredariyên kurdan got: “Bi zanabûn dest datînin ser şaredariyên kurdan. Aliyekî dibêjin pêvajo û aliyekî jî qeyûman tayîn dikin. Em li benda peyama Rêber Apo ne. Em ê li gorî peyamên Rêber Apo tev bigerin. Divê gelê kurd vîna xwe biparêzin.”
* Rojnameger Kurdistan Lezgiyeva der barê konferasa ku li Rûsya pêk hat de got: “Divê em karibin raya giştî agahdar bikin û ew dengê me yê ku dixwazin qut bikin, bilind bikin. Bi vî awayê em ê xwe bigihînin hemû jinan û bi hêz bibin. Îro li hemû cihanê jin hewl didin rizgar bibin, tekoşîna jinên kurd xwedî wê hêzeye ku dikare hemûyan hembêz bike.”
* DBP, HDK, TJA û DEM Partî, wê li dijî binçavkirin û girtina endamên HDKê li Parqa Feqiyê Teyran a Wanê daxuyaniyê bidin. (12.00)
