SOHRê, diyar kir ku komên paramîlîter li gundekî elewiyan ê girêdayî Hemayê, herî kêm 10 kesên elewî kuştin.
Li gorî Navenda Çavdêriya Mafên Mirovan a Sûriyeyê (SOHR), komeke paramîliter, li Gundê Arza yê elewiyan a li Rojavayê Hemayê roja Îniyê komkujiyek pêk anî. Di encama de herî kêm 10 kesên elewî hatine kuştin. Hat ragihandin ku komkujî bi çekên bêdeng hatiye kirin. Li gorî Televîzyona Sûriyeyê îro 2 endamên polîsên girêdayî rejîma berê ya Beşar El Esed, li nêzî bajarokê El Muxtariyê ya li ser rêya Heleb-Lazqiyê di encama kemînekî de hatin kuştin.
