Li Çand Amedê bi resepsiyonê 10emîn Festivala Şanoyê ya Amedê bi şiyara “Çiraya me geş dibe” dest pê kir. Hevşaredarê Bajarê Mezin ê Amedê Dogan Hatûn diyar kir ku şanoya Kurdî tarîtiyê ronî dike.
Li Çand Amedê, bi pêşengtiya Şanoya Bajêr a Amedê û Şaredariya Bajarê Mezin a Amedê 10emîn Festîvala Şanoyê ya Amedê bi dirûşma “Çiraya me geş dibe” dest pê kir. Di festîvalê de bi zimanên Kurdî, Tirkî û Ermenkî dê 12 lîstik bên lîstin. Festîvala ku îro dest pê kir, dê heta 4ê Gulanê berdewam bike. Hevşaredarê Bajarê Mezin ê Amedê Dogan Hatûn, hevşaredarên navçeyên Amedê jî di navde gelek şanoger û welatî amade bûn.
Di resepsiyonê de ji bo Bavê Teyar sînevîzyonek û dûre performansa dansê hat pêşkeşkirin. Resepsiyonê bi axaftinê dest pê kir. Pêşkêşvan ewil hunermend Bavê Teyar bi bîr anî û got: “Dengê Bavê Teyar dengê gelêkî ye. Çiraya me vê her dem geş bibe.”
Paşê peyama şanogerên Rojavayî hat xwendin. Şanogerên Rojavayî di peyama xwe de wiha gotin: “Gelek caran şanoya wan hat qedexekirin. Lê hêza hunermendan her dem ket pêş. Tarîtî ronî kir. Em ji bo hevdîtina gelan û jiyanek birûmet şanoyê pêşkêş dikin. Em ê bi dengê xwe yê azad her dem binivîsinin.”
Paşê Hevşaredarê Bajarê mezin ê Amedê Dogan Hatûn axivî. Dogan Hatûn diyar kir ku şanogerên Rojava û Başur bi xer hatin peytexta Kurdistanê û got: ” Dema qeyûm festîval çend salan qedexe kirin. Lê bi hêza şanogerên Kurd me dest bi festîvalê kir. Dema ku tarî bû şanogerên me çirayê xistin destê xwe tarîtiyê ronî kirin.”
Pişti axaftina Dogan Hatûn sinevêzyona Bavê Teyar hat temaşekirin. Li salona şanoger Mehmet Emîn Yalçinkaya hat dayîn. Yalçinkaya di 2018an de jiyana xwe dest dabû.
Roja yekemîn bi performansa dansê bi dawî bû.
