Bîlançoya şerê Amerîka-Îsraîl û Îranê li herêmê aloziyên heyî hêj girantir dike. Ji ber şer gelek herêm zirareke mezin dîtin, aloziyên civakî û aborî hêj girantir bûn.
Her ku ku diçe bandora şerê Amerîka-Îsraîl û Îranê li Rojhilata Navîn girantir dibe. Hat destnîşankirin ku rewşa ewlehiya Kurditan, Tirkiye, Iraq, Îran û Îsraîlê herwiha Kendava Hurmuzê û welatên li dor Kendavê ji ber şerê dirêj dibe alozî û gengeşî zêde dibe.
Dengê sîrenan li Tirkiyeyê jî bilind bûn
Hat ragihandin ku roja Înê li Baregeha Hewayî ya Încirlikê, ku li başûrê Tirkiyeyê ye û ji aliyê hêzên NATOyê ve tê bikaranîn, siren hatin bihîstin. Li gorî agahiyan li baregehê tedbîrên ewlehiyê ku ji hêzên Amerîkayê re mazûvaniyê dike, hatine zêdekirin.
Îran bi roketan êrişî Îsraîlê kir: 300 xanî xesar dîtin
Li herêma Celîlê ya bakurê Îsraîlê, di êrîşeke roketî ya Îranê de nêzîkî 300 mal xesar dîtin û herî kêm 50 kes birîndar bûn. Li gorî medyaya herêmî, tîmên hewarê li herêmê hewldanên rizgarkirinê û nirxandina zirarê didomînin.
Komên çekdar ên Iraqê hişyarî li Fransayê kirin
Li gorî ajansa AFPê keştiya belafirên şer a Fransî Charles de Gaulle ya ji bo Kendava Persê hatiye şandin dê li herêmê berjewendiyên Fransayê biparêze. Koma çekdar a alîgirê Îranê Hevpeymanên Kehfê (Ashab al-Kahf) bang li sivîlan kir ku ji baregehên ku leşkerên Fransayê dûr bisekinin. Piştî vê hişyariyê li Herema Kurdistanê li dijî hêzên Fransayê êrişek bi dironê pêk hat û di encamê de leşkerek hat kuştin û çend leşker jî birîndar bûn.
Îsraîl êrişên xwe yên li dijî Îranê didomîne
Hat îdiakirin ku Îsraîlê êrişî kompleksa niştecihbûnê ya li bajarê Arakê kiriye û di encamê de du kes hatine kuştin û 35 kes jî birîndar bûne. Di êrîşeke cuda ya nêzî Hamedanê de kesek hat kuştin û pênc kes jî birîndar bûn. Medyaya Îranê ragihand ku li rojhilatê Tehranê jî teqîn çêbûne.
Lindsey Graham: Dê şer bidome
Senatorê Amerîkî Lindsey Graham li ser hesaba xwe yê medya dîjîtal de got ku pêwîst nake leşker ji Îranê re werin şandin û da zanîn ku şer dikare bi hefteyan bidome.
Pasdarên Şoreşa Îranê daxuyandin ku wan bi moşek û dironên bêmirov êrîşî keştiya hewayî ya Amerîkî Abraham Lincoln kirine. Lê ev îdia ji aliyê çavkaniyên serbixwe ve nehatiye piştrastkirin, û heta niha ji aliyê Amerîkayê ve derbarê êrişê de tu daxuyaniyên fermî nehatin dayîn.
Dirêjbûna şer aloziya li herêmê jî zêde dike. Ji ber şer hilberîna petrolê kêm bû, bihayên petforlê jî hilfiriya. Amerîkayê îstîsnayeke demkî îlan kir ku heya 30 rojan dê amborgoyên stendina petrolê ya li ser Rûsyayê rakir. Tê payîn ku dê tevdîrên bi vî awayî yên Amerîkayê pêşî li bihabûna petrolê nagire.
