Cenazeyê Fehîm Tosun ê ku 4 rojan li cihê lê hatibû kuştin mabû, îro li taxa Elbêsê hat definkirin. Bav û birayê Tosun jî hatin binçavkirin.
Li taxa Elbêsê ya navçeya Elbakê ya Wanê ku li ser sînorê Îranê ye, Fehîm Tosun ê ku beriya 4 rojan bi fîşekekê di serê xwe de hatibû kuştin, cenazeyê wî duh hatibû girtin. Cenaze pêşî birin qereqola gundê Xanîkê, paşê jî ji bo otopsiyê şeva borî anîn Saziya Tiba Edlî (ATK) ya Wanê. Piştî karûbarên otopsiyê, cenaze îro radestî malbatê hat kirin. Cenaze îro li taxa Elbêsê spartin axê.
Li aliyê din hat hînbûn ku bav û birayê Tosun ji şeva borî ve di binçavan de ne.
Beriya niha jî îfadeyên hevjîn, bira û pismamekî Tosun hatibûn girtin.
