Turnûvaya futbolê ya ku di çarçoveya Festîvala Rojên Amarayê ya bi dirûşma “Bi Rêbertiya Azad ber bi yekitiya neteweyî ya demokratîk ve” tê lidarxistin, di roja duyemîn de berdewam dike.
Li Rihayê, turnûvaya futbolê ya ku di çarçoveya Festîvala Rojên Amarayê de, bi boneya 77emîn rojbûna Rêberê Gelê Kurd Abdullah Ocalan bi dirûşma “Bi Rêbertiya Azad ber bi yekitiya neteweyî ya demokratîk ve” hatiye organîzekirin, di roja duyemîn de berdewam dike. Di turnûvaya futbolê ya ku li taxa Sirrîn a navçeya Xelîliyeyê tê lîstin de, 4 tîm hatin pêşberî hev. Di pêşbirka yekem de tîmên ku hatin hemberî hev Gençlik Spor û Komûn Spor bûn. Gençlik Spor li hemberî Komûn Sporê bi encama 6-1 têk çû. Di pêşbirka duyemîn a rojê de jî 30 Yillik Dîrenîş Spor û Vekiller Spor hatin pêşberî hev. Ev pêşbirk, bi serdestiya 30 Yillik Dîrenîş Sporê ya bi encama 5-4 bi dawî bû.
Bername, bi berzkirina dirûşmên “Bijî berxwedana zindanan”, “Bijî Serok Apo” û “Bê Serok Apo jiyan nabe” bi dawî bû.
