Bi pêşengiya TJA û Jineolojiyê, li gundê Îriçê yê Westanê atolyeya “Giyayên Şifayê” hat lidarxistin.
Li gundê Îriçê yê bi ser navçeya Westan a Wanê, bi pêşengiya Tevgera Jinên Azad (TJA) û Jineolojiyê atolyeya giyayên şifayê hat li dar xistin. Jinên ku danê sibê li hev civiyan, li derdora gund giyayên şifayê berhev kirin. Giyayên ku hatin komkirin, di atolyeyê de hatin naskirin û li ser qadên bikaranînê û feydeyên wan agahî hatin parvekirin. Aktîvîstên TJA’yê, Dayikên Aştiyê û jinên li gund dijîn tevli atolyeyê bûn.
Di atolyeyê de bal kişandin ser girîngiya parastina zanîna xwezayê ya ku jinan nifş bi nifş veguhastiye û dan zanîn ku divê têkiliya ku bi jiyana ekolojîk re hatiye avakirin bê xurtkirin.
Atolye bi dirûşma “Jin, Jiyan, Azadî” bi dawî bû.
