MKGê têkildarî binpêkirina mafên jinên rojnameger a meha çile raporek amade kir û destnîşan kir ku di mehekê de 7 rojnameger hatin binçavkirin, 4 rojnameger hatin girtin, 3 rojnameger jî rasti tundiyê hatin.
Komleye Rojnamegerên Jin a Mezopotamyayê (MKG) rapora binpêkirina mafên jinên rojnameger a meha çileyê eşkere kir. MKGê raporek amade kir û destnîşan kir ku di şopandina nûçeyan de 2 rojnamegeran hatin astengkirin herî kêm 9 rojnameger jî li girtîgehan bi binpêkirina mafan rû bi rû man. MKGê de da zanîn ku ew êrîşên li dijî azadiya çapemeniyê parçeyek ji hewldana bêdengkirina rojnamegeran e, lê rojnamevanên ku li pey heqîqetê ne, tevî her cure zextan jî wê karê xwe bidomînin!”
MKGê da zanîn ku di Çileya 2025an de herî kêm 7 rojnameger hatin binçavkirin, 4 rojnameger hatin girtin, 3 rojnameger jî bi muameleya xerab rû bi rû man. MKGê şopandina nûçeyan a 2 rojnamegeran hatin astengkirin herî kêm 9 rojnameger jî li girtîgehan bi binpêkirina mafan rû bi rû man. Komeleyê da zanîn ku ev êrîşên li dijî azadiya çapemeniyê parçeyek ji hewldana bêdengkirina rojnamegeran e û wiha cih da raporê: “Lê rojnamevanên ku li pey heqîqetê ne, tevî her cure zextan jî wê karê xwe bidomînin! Gefên li ser rojnamegeran tenê bi zextên dewletê re sînordar namîne. Nûçegihana televizyoneke herêmî ya Xarpêtê Semra Demîrelli ji aliyê mêrekî hat gulebarankirin û bi giranî birîndar bû, piştî têkoşîna jiyanê ya 49 rojan jiyana xwe ji dest da. Zextên li ser rojnamegerên li girtîgehan sîstematîk bûye. Pirtûka ku hevalên wê ji rojnamegera girtî Serpîl Unal re şandibûn ji aliyê Girtîgeha Bakirkoyê ve bi hinceta “Kargoya di Stenbolê de nayê qebûlkirin” paşde hat şandin. Li ser rojnameger Gulistan Dursun a li Girtîgeha Sîlîvriyê ye ji aliyê rêveberiya girtîgehê ve belgeya bi navê “karta terorê” hat ferzkirin û ji ber ku qebûl nekir cezayê dîsîplînê lê hat birîn. Di qada dijîtal de jî hewl tê dayin ku dengê rojnamegeran bisînor bikin. Hesabê JINNEWSê yê Instagramê hat girtin, hesabên nû gelek caran hatin sansurkirin û ketina hesabê X (Twitter) hat astengkirin. Her wiha hewl tê dayîn ku li ser platformên dîjîtal dîtina rojnamegeran bê astengkirin. Lê ne zextên li girtîgehan, ne astengiyên li kolanan û ne jî sansura dîjîtal wê nikaribin rojnamegeran bêdeng bikin!
Di heman demê de di meha Çileyê de 31 hesabên medyaya dîjîtal ku di nav wan de @MAturkce ya Ajansa Mezopotamyayê ku 264 hezar şopîneriyên wê hebûn, @jinnewsturkce ya Ajansa Nûçeyan a JINNEWS’ê ku 168 hezar şopînerê wê hebû û @yeniyasamgazete X jî di nav de û 125 hezar şopînerên wê hebûn, bi hincetên ‘ewlehiya neteweyî û parastina gel’ hatin astengkirin.
Rojnameger Elîf Ersoy, Eylem Babayîgît, Hatîce Duman, Lûtfiye Burcu Kara, Necla Demîr Arvas, Ozden Kinik, Rahîme Karvar, Reyhan Hacîoglû û Zuleyha Mûldûr tenê ji ber ku rojnameger bûn hatin girtin. Em bang li her kesên ku çapemeniya azad diparêzin dikin ku li dijî van zextan bibin yek. Çapemeniya azad nayê bêdengkirin! Divê demildest binçavkirin, girtin, zext û tundiya li ser rojnamegeran bi dawî bibe. Em ê tu carî dev ji nivîsandina rastiyan, parastina heqîqetê û berdewamkirina têkoşîna rojnamegeran bernedin!
1)Binpêkirina mafên ewlehî û mafê jiyanê yên rojnamegeran :
Rojnamegerên bi ser mala wan de hatine girtin 3
Rojnamegerên hatine binçavkirin 7
Rojnamegerên hatine girtin 4
Rojnamegerên bi mualameya ne baş rû bi rû mane 3
Rojnamegerên gef lê hatine xwarin 1
Rojnamegerên şopandina nûçeyên wan hatin astengkirin 2
Binpêkirina mafên li girtîgehan 9
2)Binpêkirina azadiya ramanê ya rojnamegeran:
Rojnamegerên derbarê wan de lêpirsîn hatine vekirin 2
Rojnamegerên derbarê wan de doz hatine vekirin 1
Rojnamegerên hatine cezakirin Hejmara kesan 3
Cezayê girtîgehê 8 sal 3 meh
Rojnamegerên darizandina wan didomin Hejmara dosyayan 14
Hejmara kesan 17
Hejmara rojnamegerên girtî (Ji 4’ê Çileya 2023’yan heta niha) 9
3)Astengiyên li ser mecrayên înternet û medyaya dîjîtal :
Hesabên Medyaya Dîjîtal ên hatine girtin: 4
Lîsteya jinên rojnameger ên girtî :
1.Elif Ersoy – Berpirsa Karê Nivîsê ya Kovara Yuruyuşê
2.Eylem Babayigit – Rojnameger
3.Hatice Duman – Mudura Karê Nivîsê û Xwediyê Rojnameya Atilimê
4.Lutfiye Burcu Kara – Rojnameya Yekîtiya Têkoşînê
5.Necla Demir Arvas – Rojnameger
6.Ozden Kinik – Xebatkara TRT’ê ya berê
7.Rahime Karvar – Rojnameger
8.Reyhan Hacioglu – Rojnameya Yenî Yaşamê
9.Zuleyha Muldur – Ajansa Nûçeyan a Etkinê
