Balafirên şer yên Tirkiyeyê li Bendava Tişrînê êrîşê girseya ku ji bo parastina Bendava Tişrînê nobetê digirin kir. Li gorî nûçeya ANHAyê birîndar hene.
Karwana çaremîn a bajarê Kobanê ku di saetên sibehê de berê xwe da Bendava Tişrînê, gihaşt bendavê. Koma parazvanên ku ji Kobanê hatin Tişrinê, nobet ji koma Teqba, Dêrazor û Reqayê wergirt. Piştî nobetê dîsa balafirên şer ên Tirkiyeyê êrîş pêk anî. Nehat zanîn ka windahiya can heye an na.
Kesê li Sirînê birîndar bû jiyana xwe ji dest da
Zarokê bi navê Ehmed Muyeser El Reman (8) ê ku di êrişa balafirên dewleta Tirk a li dijî sûka bajarê Sirînê de birîndar bûbû, jiyana xwe ji dest da. Bi wê re hejmara welatiyên di komkujiyê de jiyana xwe ji dest dan bû 13 kes.
Balafirên bêmirov ên dewleta Tirk di 28ê Çileyê de sûka gel a li bajarê Sirînê yê başûrê Kobanê bombebaran kiribû, di encamê de 12 welatiyan jiyana xwe ji dest dabûn. Zarokê 8 salî Ehmed Muyeser jî birîndar bûbû.
