Hiqûqnasên jin ji bo mafên xwe yên di destûra nû ya Sûriyeyê de bidin nivîsandin li Hesekê ‘Forûma Mafnasî ya Şêwermendî’ li dar dixin.
Bi armanca naskirina maf û daxwazên jinan a di destûra nû ya Sûriyeyê de Encumana Adaletê ya jinan û desteya hiqûq û adaletê, forûma mafnasî ya şêwermendiyê li dar dixe. Ji rêxistinên jinan, yekîtiya parêzeran, Koordînasyona Jinan a Rêveberiya Xweseriya Demokratîk û nûnerên saziyên civaka sivîl jî di nav de gelek jin di forûmê de amade ne.
Endama Komîteya Amadekar a Forûma Mafnasî ya Şêwermendî Mizgîn Hesen axaftina vekirinê kir. Mizgîn Hesen diyar kir ku li bi rêya vê forûmê daxwaz û mafên jinan ên di destûra nû ya Sûriyeyê de dê nîqaş bikin û wiha got: “Ev forûm ji aliyê Encûmena Adaletê ya Jinan û Desteya Hiqûq û Edaletê ya Bakur û Rojhilatê Sûriyeyê ve hat lidarxistin. Tê de bi dehan jinên ji rêxistinên jinan, nûnerên saziyên civaka sivîl û Yekîtiya Parêzeran amade bûn. Bi rêya vê forûmê em dikarin bigehên daxwaz û mafên jinan di hundirê destûra nû ya Sûriyeyê de. Di vê pêvajoyê de ev yek girîng e. Ji ber ku di demên pêş de kongreyek neteweyî ji bo nivîsandina destûrê were avakirin, dê rola jinan tê de esas û girîng bê girtin. Ev ji bo parastina maf û deskeftiyên jinan ên li Bakur û Rojhilatê Sûriyeyê girîng e.”
Di forûmê de dê nîqaş li ser rewşa siyasî, rewşa jinan di pêşketinên ku li Sûriyeyê pêk tên bê meşandin. Komên ku dê ji bo vê armancê bên avakirin, her yek ji wan dê li ser mijarek nîqaşan bike û encamê wê di forûmê de bên nîqaşkirin. Forûm dê bi pêşniyaran bi dawî bibe.
