Ozlem Zengîn a AKPî ji ber karên ku dimeşîne û mijarên ku tîne rojevê bi hinceta “hişê wî ne li serê wî ye” xwest vasî li Omer Farûk Gergerlîoglû were tayînkirin.
Li gor nûçeya Ajansa Mezopotamyayê serokwekîla Koma Meclisê ya AKPê Ozlem Zengîn, der heqê parlamenterê Partiya Wekhevî û Demokrasiyê ya Gelan (DEM Partî) ê Kocaeliyê Omer Faruk Gergerlîoglû de ku lêgerîna tazî ya li girtîgeha xistibû rojevê, doz vekir.
Omer Farûk Gergerlîoglû lêgerîna tazî ya li Midûriyeta Emniyetê ya Uşakê li jinan hatiye ferzkirin xistibû rojevê û Ozlem Zengînê jî bertek nîşan dabû. Li ser mezinbûna nîqaşê, Ozlem Zengînê bi îdiaya ku Omer Farûk Gergerlîoglû îftîra li wê û partiya wê kiriye, bi daxwaza Omer Farûk Gergerlîoglû 750 hezar lîreyan tazmînatê bide serî li 36emîn Dadgeha Cezayên Giştî ya Enqereyê da.
Ozlem Zengînê îdia kir ku “Omer Farûk Gergerlîoglû ji hêla hiş û ruhî ve baş nîne” û xwest vasî li Omer Farûk Gergerlîoglû were tayînkirin.
Omer Farûk Gergerlîoglû, li ser hesaba xwe ya platforma medyaya dijîtal a Xê bertek nîşanî serlêdanê da û got: “Lê belê ev perpitîna te rastiya lêgerîna tazî venaşêre! Heta ku heqî û heqîqet mîna rojê dibiriqe ez ê dev ji axaftinê bernedim!”
