Li Amedê bi hezaran jin bi dirûşma “Jin jiyan azadî” meşiyan qada mitîngê û bi berzkirina dirûşmeyan xwestin Rêberê Gelê Kurd Abdullah Ocalan azad bibe.
Di pêşengtiya Tevgera Jinên Azad (TJA) de bi boneya 8ê Adarê Roja Jinan a Cîhanê li Qada Îstasyonê ya Amedê bi dirûşma “Raperîna me li dijî qirina jinan e, meşa me ber bi azadiyê ve ye” hat lidarxistin.
Bi hezaran jin li xaçerêya Ofîsê hatin ba hev û bi awayê kortejê ber bi qada mitîngê ve meşiyan. Jinan pankartên “Jin jiyan azadî”, “Em vîna ji pola silav dikin. Civaka demokratîk ava dikin”, “Li hemberî qirkirina jinê em ê serî rakin. Em ê azadiyê ava bikin”, “Sedsala jinê wê bibe şoreşa zimanê Kurdî” û berzkirina dirûşmeya “Jin jiyan azadî” meşiyan qadê. Meş li qadê bi dawî bû. Jin bi dirûşmên ku berz kirin xwestin Rêberê Gelê Kurd Abdullah Ocalan azad bibe.
Jinan bê navber dirûşmên wek, “Jin jiyan Azadî”, “Jin jiyan azadî, azadiya Rêbertî” berz kirin. Di meşê de dîmenên rengîn derketin holê. Bi sedan jin bi cil û bergên neteweyî hatin qadê. Li qadê li ber stranan govendê gerandin.
