Fermandarê Giştî yê HSDê Mazlûm Ebdî xwest Colanî hesabê êrîşên li dijî Elewiyan bipirse û got: “Çeteyên ku dewleta Tirk piştgiriya wan dike û alîgirên DAIŞê berpirsyar in.”
Fermandarê Giştî yê Hêzên Sûriya Demokratîk (HSD) Mazlûm Ebdî têkildarî êrîşên li dijî Elewiyan, ji Serokê Heyet Tehrîr El Şam (HTŞ) Ebû Muhammed Colanî (Ehmed Şara) xwest ku hesab ji berpirsyarên êrîşan bipirse. Mazlûm Ebdî bi daxuyaniyeke nivîskî ji Reutersê re axivî û destnîşan kir ku diviyabû Colanî mudaxeleyî komkujiyan bikira.
Mazlum Ebdî diyar kir ku komên alîgirê DAIŞê û çekdar ên ku Tirkiye piştgiriya wan dike berpirsyarê herî sereke yê êrîşan e. Mazlum Ebdî ji Colanî re got: “Rêbaza avakirina artêşa Sûriyê ya nû û reftarên komên çekdar di ber çavan re derbas bike”. Ebdî anî ziman ku hin komên hewl didin di nava artêşê de ”nakokiyên mezhebî û navxweyî” derxin.
Wezareta Parastinê ya Tirkiyeyê derbarê gotinên Ebdî de nirxandin nekir û Wezareta Karên Derve jî bersiva neda daxwaza Reutersê.
