Li Herêma Bakur û Rojhilatê Sûriyeyê piştî agirê Newrozê li bajarê Hesekê geş bû, şevê din jî gel agirê Newrozê li bajarê Dêrikê geş kir.
Xelkê bajarê Dêrik, gundên Berav û Koçerat ên li kantona Cizîrê agirê Newrozê pêxistin û pîroz kir. Bi sedan xelkê herêmê li Navenda Şehîd Bawer a Ciwanên Şoreşger a Sûriyeyê ya bajarê Dêrikê kom bûn û weke sembola serkeftina biharê û destpêka sala nû agirê Newrozê pê xist. Di şahiyê de dîlanên folklorîk, di nava hewayeke şahî û kêfxweşiyê de hate gerandin.
