Jinên elewî dê di 24ê Nîsanê de li navçeya Samandag a Hatayê li dijî komkujiyên li Sûrî çalakiya zincîra mirovan pêk bînin.
Jinên elewî li dijî komkujiyên ser Elewî, jin û komên din ên nijadî yên li Sûriyeyê, li Navenda Giştî ya Federasyona Elewî Bektaşiyan a li Enqereyê daxuyanî dan. Gelek nûnerên rêxistinên civaka sivîl û rêxistinên civaka sivîl jî tev li daxuyaniyê bûn. Înîsiyatîfa Jinan a ji bo Sûriyeyê ku di 15ê Nîsanê de hatibû avakirin, ragihand ku dê di 24ê Nîsanê de li navçeya Samandagê ya Hatayê li dar bixe. 140 rêxistinan piştgirî dan daxuyaniyê. Seroka Şaxa Komeleya Çandê ya Pîr Sultan Abdal a Mamakê Rûkiye Kara, bal kişand ser bêdengiya qada navneteweyî ya li dijî komkujiya ser Elewiyan a li Sûriyeyê.
Rûkiye Kara, ji ber bêdengiya qada navneteweyî bertek nîşan da û got: “Em vê bêdengiya baş dizanin. Yên dema Mereşê, Sêwasê, Dêrsimê bêdeng mayin û temaşe dikirin jî me ji bîr nekirine. Ji Helebceyê heta Şengal û Roboskê, em şahidên komkujiyên li vê xakê hatine kirin in. Welatên emperyalîst Rojhilata Navîn jinûve dîzayn dikin. Zilamên ku bûne kirdeya pergala mêrê serdest, di şer û pevçûnan de li dijî jin û zarokan her cureyên êrişên zayendî rewa dibînin. Weke qada dagirkeriyê dibînin û rastî êrişên zayendî yên komî tên. Tiştên jinên Bosna Hersekî, Êzidî, Elewiyên Ereb û jinên Kurd jiyayîn, rewşa herî şênber a tundiya mêr û dewletê ye.”
Rûkiye Kara, destnîşan kir ku ji 2011ê heta niha gelên Sûriyeyê mexdûrên şerekî pir mezin in û got: “Rejîma Baasê di 8ê Kanûna 2024an de cihê xwe ji peyrewên DAIŞê ji HTŞ a cîhadîst-selefî re hişt. Ev kes, bi piştgiriya DYA, welatên rojavayî û Tirkiyeyê, destên wan ên xwînî hatin şûıştin û qrawat xistin stûyê wan û kirin îktîdar. Dema ev tişt rû didan, van cîhadîstên selefî li Sûriyeyê bi fetwayên ‘qetlê wan wacib e’ qirkirina li dijî Elewiyan domandin. Jin tên revandin, cenazeyê akademîsyen Rahşa El Alî bi darekê ve daliqandiî hate dîtin ku destên wê hatibûn birîn. Li Sûriyeyê li dijî Elewiyan wehşeteke dermirovî têkirin û ev yek li pêş çavên hemû dinyayê tê kirin. HTŞ ku dijminatiyê li baweriya Elewîtiê dike, hewl dide bi qetilkirin û koçberkirinê wan ji Sûriyeyê derxîne û bi giştî tune bike.”
Rûkiye Kara, anî ziman ku ew ê li dijî van komkujiyan di 24ê Nîsanê de li navçeya Samandag a Hatayê çalakiya zincîra mirovan li dar bixin.
