Komên çekdar ên bi pere yên girêdayî Tirkiyeyê ji 3 eniyan ve êrîşî Minbicê dikin. Meclîsa Leşkerî ya Minbicê li hemberî êrîşan li ber xwe dide. Li herêmê şerekî giran diqewime.
Bi rojan e li heremê şerekî dijwar heye. Piştî Heyet Tehrîr El Şam (HTŞ-El Nusra) di 27ê Mijdarê de dest bi êrîşên li ser gund û taxên Helebê kirin û di çend rojan de Heleb, Hama û herî dawî îro Şam xistin kontrola xwe, komên çedeyan ên girêdayî Tirkiyeyê jî li herêmê dest bi êrîşan kirin. Bi taybetî li Şehba, Til Rifhat û Minbicê ku rêveberiyên Xweseriya Demokratîk lê hene, rastî êrîşên komên çeteyan tên. Niha jî çavkaniyên herêmê diyar dikin ku komên çekdar ên girêdayî Tirkiyeyê ji 3 aliyan ve êrîşî Minbicê dikin. Şervanên Meclîsa Leşkerî ya Minbicê bersiv dan êrîşan û li ser vê yekê şerekî giran diqewime.
Hate ragihandin ku şer bi giranî li herêma Erîmayê diqewime.
