Parlamenterê DEM Partiyê yê Agiriyê Sirri Sakik, li Meclisê dema bi Kurmancî axivî mîkrofon lê hat girtin.
Parlamenterê DEM Partiyê yê Agiriyê Sirri Sakik li Desteya Giştî ya Meclisê axivî û mijarên di rojevê de nirxand. Sirri Sakik dema xwest bi Kurmancî biaxive mîkrofon ji aliyê Meclisê ve lê hat girtin û axaftina bi Kurmancî hat astengkirin. Li ser vê yekê Sirri Sakik nerazîbûn nîşanî astengkirina axaftina bi zimanê Kurdî da.
Serokwekîla Koma DEM Partiyê Gulistan Kiliç Koçyîgît jî nerazîbûn nîşanî astengkirina zimanê Kurdî ya li Meclisê da û xwest dawî li vê astengî û qedexeyê were anîn.
Balkêş e di pêvajoyek wiha girîng ku de ji bo aştiyê û çareserkirina meseleya Kurd nîqaş tên kirin û her kes li benda çareseriyê ye, dîsa jî zimanê Kurdî li Meclisê tê astengkirin û di girtekan de wek “zimanê nayê zanîn” tê nivîsandin.
