Di yekemîn Kongreya Hevgirtina Jinên Demokratîk a Herêmî ya Rojhilata Navîn û Bakurê Efrîqayê (NADA) de jinan azadiya fizikî ya Rêberê Gelê Kurd Abdullah Ocalan xwestin.
Di 15ê Gulanê de li bajarê Silêmaniyê bi beşdariya ji 18 welatan nêzîkî 200 nûnerên jin, Yekemîn Kongreya Hevgirtina Jinên Demokratîk a Herêmî ya Rojhilata Navîn û Bakurê Efrîqayê (NADA) bi dirûşmeya “Bi Şoreşa Jinê Ber bi Civakek Demokratîk ve” dest pê kir. Kongre di roja duyemîn de bi panel û nîqaşan berdewam dike.
Jinan di kongreyê de daxwaza azadiya Rêberê Gelê Kurd Abdullah Ocalan kirin. Jinan diyar kirin ku azadiya Abdullah Ocalan wê ji bo demokrasiya Rojhilata Navîn deriyek nû veke, ji bo têkoşîna bidestxistina azadiya jinan divê demek ji ya din zûtir Ocalan azad bibe.
Jinan da zanîn ku Abdullah Ocalan dibêje; “Heya jin azad nebe, civak azad nabe” ji bo wê divê ewil Abdullah Ocalan azad bibe da ku jin jî azad bibin.
Jinan ragihand ku ew ê bi felsefe û fikirê Ocalan ji bo azadiya hemû jinên cîhanê têbikoşin.
